बिगत ६ बर्षदेखी अमेरिकामा हुँदै आएको सौन्दर्य प्रतियोगिता मिस नेपाल यूएसमा व्यूटी विथाउट लिमिट शिर्षकको नयाँ बिद्या थप गरिएको छ । आगामी अक्टोबर १२ तारिखका दिन हुने सातौं संस्करणमा उत्कृष्ट सामाजिक काम गर्ने लक्ष्य लिएका प्रतियोगिहरुलाई यो शिर्षकको अवार्ड प्रदान गरिने जनाइएको छ ।
नेब्रास्का नेप्लिज सोसाइटीको आयोजना र मिस नेपाल यूएसको संरक्षकत्वमा हुन लागेको प्रतियोगितामा यस बर्षदेखी प्रतियोगिहरुलाई आफ्नो प्रतिभा प्रस्फुटन गर्नका लागि नयाँ बिद्या ब्यूटी विथाउट लिमिट शिर्षक थप गरेको जनाइएको छ ।
प्रतियोगिता संथापक अध्यक्ष अमित शाहले भने, यस बिद्याले प्रतियोगिहरुलाई थप हौसला प्रदान गर्ने र क्षमता अभिबृद्धि साथै सामाजिक कार्यमा लाग्न प्रेरित गर्न सहयोग पुग्ने हामीले अपेक्षा गरेका छौं ।
आयोजकका अनुसार यस प्रतियोगिताको उदेश्य सौन्दर्यको मात्र नभई नयाँ पिढीका युवतीहरु नेतृत्व गर्न समेत सक्षम छन्, भन्ने प्रमाणित गर्नु हो ।
अमेरिकामा रहेका १९ देखी २९ बर्ष उमेर समुहका युवतीहरुले भाग लिन पाउने सौन्दर्य प्रतियोगिता मिस नेपाल यूएस बिजेताले नगद ५ हजार अमेरिकन डलर धनराशी सहित बिभिन्न अवसरहरु प्राप्त गर्ने छन् ।
Source: